DEPORTES – Campeonato di futbol di La Liga Santander di Spaña a continua ariba dialuna atardi unda cu dos wega a tuma lugar.
Osasuna a enfrenta Celta Vigo y e wega aki a keda empata 0-0, despues a sigui e wega entre Sevilla y Getafe.
Sevilla den nan prome wega di campeonato a gana Rayo Vallecano cu score di 3-0 mientras cu Getafe den nan prome wega a perde contra Valencia cu score minimo di 1-0.


Sevilla tabata hungando bon futbol den prome mitar y tabata ataca constantemente den e area defendi pa Getafe, oportunidadnan a presenta, pero no a sa di probecha esakinan.
Asina tambe prome mitar a bay den descanso cu score empata 0-0.
Den di dos e dominio di wega di Sevilla a sigui mientras cu Getafe tabata defende cu alma y curpa, posicion di bala claramente tabata mustra dominio total di Sevilla cu a domina mas cu 60% di e wega, pero no tabata yega na e gol.
Tur cos tabata mustra cu Getafe lo a forza un empate contra di Sevilla, pero den minuutnan extra di wega, Eric Lamela ta haya un oportunidad caminda e no ta desperdicia esaki y ta anota unico gol di wega pa asina duna Sevilla victoria cu score di 1-0, den pito final di wega.


Asina tambe e wega a termina cu score di 1-0 na fabor di Sevilla kende ta logra yega 6 punto riba tabla di posicion di La Liga Santander y pa averahe di gol a drumi na prome lugar e siman aki di La Liga Santander, Getafe ta sufri su di dos derota di campeonato aki.

LEAVE A REPLY

Please enter your comment!
Please enter your name here