Parlamentario Shailiny Tromp-Lee ta felicita tur e organisacionnan deportivo cu recientemente a estrena nan luznan LED ultra moderno. E Parlamentario a enfatisa cu e proyectonan aki ta un realidad danki na e planning y inversion realisa bou di maneho di ex-minister Endy Croes durante Gabinete Wever-Croes II.
โGobernacion ta continuacion, y ta bon pa mira cu e minister actual ta siguiendo cu e plan strategico cu nos a laga atras,โ Tromp-Lee a declara. El a recorda cu mayoria di e postenan bieu tabatin mas di 30 aรฑa, y tabata bou di Gabinete Wever-Croes II cu a structuralisa e cambio pa LED pa mas eficiencia. Entre e logronan grandi ya entrega ta destaca:
- Palo Marga:ย Iluminacion completo cu 26 poste nobo.
- GPT Stadion Dakota:ย Upgrade di 300 lux pa 1200 lux, cumpliendo cu standardnan di FIFA y CONCACAF.
- Canchanan local:ย Madushi Stars, Village San Nicolas, BMX Streetwise, y Parke Curason Jaburibari.
Tromp-Lee a finalisa bisando cu e luznan cu a wordo sendi recientemente na veldnan manera Kudawecha, Sportboys y San Luis, tabata cla caba pa wordo instala desde mei 2025.
Mas cu djis tecnologia, esaki ta e fruto di un compromiso cu Gabinete Wever-Croes tin cu e barionan di Aruba. Ora nos inverti y ilumina un cancha, nos ta ilumina e futuro di nos hobennan. Esaki ta e herencia di trabou y vision cu MEP ta sigui entrega na nos pueblo. Gobernacion cu curason, vision cu resultado. Pabien Aruba, esaki ta pa boso disfruta!
