Parlamentario di MEP, Sra, Tromp-Lee dialuna atardi a haci algun pregunta na presidente di parlamento. El’a bisa cu parlamentarionan cu ta viaha pa representa Aruba no por ta sospechoso. Riba esey tin un acuerdo. No por ta asina cu un persona cu ta sospechoso ta representa Aruba, ya cu esey lo trece un mancha pa pais Aruba. Pesey mes e Sra. Tromp Lee a haci e pregunta na Presidente di Parlamento: Marisol ta sospechoso si of no? E pregunta a bini despues cu Marisol tambe ta riba lista pa biaha y dia cu el’a sali di landsrecherche el’a nenga di contesta den ki status el’a acudi. Awor pues ta keda na Parlamento di Aruba pa contesta y pa vigila y cuida e nomber di Aruba. Ministerio Publico tambe mester duna un man den esaki, pa clarifica. E ta sospechoso si of no?
