Willemstad – Despues di a kaba di lansa su hit nobo titula “Guiame”, un tremendo kantika na spaño, awor Shamiro Anita ta lansa su videoklipnan di 2 kantika klasiko i hopi gusta di Pasku, titula “Adeste Fideles (O Come All Ye Faithfull)” I “Blanca Navidad”.
Ta trata aki di 2 videoklip nobo nobo di kalidat hopi haltu riba nivel internashonal den kual Shamiro ta kanta “Blanca Navidad” na spaño i “Adreste Fideles” na un kombinashon di Ingles ku Italiano, ku su bos uniko estilo klasiko kreando un dushi ambiente di Pasku.
Pasku ta pa nos rekorda i selebra e nasemento di Jesus. Henter e historia di Pasku ta un historia di Amor, den kual Dios a stima mundu asina tantu ku e la manda su uniko yu pa nos no bai perdi i pa nos por haña bida enterno. Pesei den tur e partimentu di regalo, kuminda dushi i lusnan di Pasku, Shamiro su deseo ta nos tur korda semper ku Jesus ta e berdadero motibu di e temporada di Pasku.
E videoklip di Blanca Navidad ta den un ambiente i imagennan bunita yena ku sneu blanku. “Adreste Fideles” su videoklip tambe ta ilustra tremendo imagennan i e ambiente dje nasementu di Jesus, ku un toke Italiano. Tur e 2 videoklipnan ta yena ku efektonan speshal estilo internashonal. Nan a ser filma na Kórsou i edita dor di profeshonalnan na Colombia.
Por wak e 2 tremendo videoclipnan nobo aki “Adeste Fideles (O Come All Ye Faithfull)” riba youtube link https://www.youtube.com/watch?v=Z7x7F4yGzE4 i “Blanca Navidad” riba youtube https://www.youtube.com/watch?v=lfMIYvHHf1k. Tambe por solisitá e kantika aki na bo radio emisora preferi na Korsòu, Aruba, Bonaire i Hulanda.
E tremendo videoclip “Guiame” di Shamiro ya ta un hit riba internet ku mas di 400.000 views riba Youtube. Inkluyendo e videoklip di “OH HOLY NIGHT” Shamiro awor tin total 3 videoklipnan ku kual sigur e lo krea un dushi ambiente di Pasku den Tur kas. Por wak tur su videoklipnan riba youtube i/of skuchanan riba spotify, buskando Shamiro Anita. Shamiro ta desea tur hende un Felis Pasku I un Prospero Aña Nobo.
