Omicron asotando China y Korea
SHANGHAI – Mientras cu Coronavirus a aleha di nos, el’a penetra awor den China y Sur Korea. Na China autoridadnan a dicidi cu ta intrdicui medidanan hopi mas pisa, cu e obhetivo pa para e brote di corona den e pais. Awor ta toca na Shanghai pa pasa den e ola enorme di corona, di e variante omicron.
Desde dialuna 28 di maart te cu dia 5 di april, tin areanan manera Pudong y Puxi cu lo ta den lockdown total. Esaki ta un paro completo unda tur cos ta bay plat. Tur fabrikante of dundador di trabao mester laga empleadonan na cas. Mas cu claro cu na e cuidad aki tin hopi fabrika y muy pronto mundo lo sinti tambe e efecto atrobe di e lockdown na China, unda lo bini un defecit di produccion y asina lo no por suministra e demanda.
Gobierno di e cuidad no a basila pa cera e area total, pa asina por calma e brote. Den un record di tempo e contagianan a subi masalmente.
Na Sur Korea tambe e cantidad di brote a lanta den algun siman pa 8.8 miyon caso nobo. Pues, mientras cu nos ne banda di mundo aki a pasa dor di e ola di omicron, parce cu awor ta asotando China y Korea.
