Colegio Arubano a cera e ultimo dia di les dia 17 di juni na forma particular. Rectorado a duna permiso na e alumnonan pa nan hunga cu waterballon. Loke nan no tabata sa ta cu e Brandweer di Aruba a bin duna un show di awa y Cuerpo Policial a duna un presentacion di dos cacho di plis K9. Normalmente e cachonan ta pone nan djente den cuero di criminal, sinembargo e biaha aki ta a toca turno na dos docente di gym boluntario. E shownan aki tabata espectacular y a haci e alumnonan cansa y den calor, super entusiasma.
Aña escolar 2020-2021 ta yegando na su fin. E lesnna a caba, pero e alumnonan mester bin scol te dia 28 di juni pa traha CP. Asina nan por mustra un biaha mas kico nan a siña den e ultimo lesnan. Despues di di 9 di juli, Colegio Arubano ta cera su portanan pa tur alumno te diahuebs 19 di augustus.
E aña escolar aki tabata un aña turbulento pa tur alumno pa motibo di corona crisis. E aña escolar a cuminsa na augustus cu mitar klas y ya tapaboca a bira comun riba tereno di scol caba. Di e manera aki Colegio Arubano por a wanta corona basta bou control.
Nos ta desea tur alumno un bon vakantie y descanso pa asina cuminsa aña escolar nobo yen di animo.
Pa mas informacion: Tim Croes, rector di Colegio Arubano: tim.croes@colegioarubano.aw
