FORTALEZA PA FAMIA.
Scirbi pa Pastor Marcel Balootje.
SI BERGUENSA TRECE DEPRESION , CRISTO HESUS TIN E SANACION.
E palabra di Dios ta bisa den Isaias 54 vers 4 ta bisa lo siguiente: No tene miedo, pasobra lo bo no wordo brongosa , ni sinti bo humiya, pasobra bo cara lo no keda na berguensa, ma lo bo lubida e berguensa di bo hubentud.
Constantemente mayor ta hala atencion di nan yiu bisando :
Wak bon cu ken bo ta cana.
Tur dia bo no por ta riba caya.
Bo no por sali cas asina ey bisti.
Bo a caba cu bo huiswerk pa bo ta sinta dilanti television?
Stop di scucha e rap vulgar y violento den e cosnan ey no tin ningun ganashi.
Bisami na unda bo bay na e ora nan aki?
Dicon bo wowonan ta corra asina?
E amigo den auto cu glas scur ta yiu di ken e ta?
Y dicon nunca e no ta baha y Saluda?
Mayornan ta conciente cu orea duro di mucha awe, ta trece berguensa mayan, no solamente pa e yiu, pero tambe pa e mayor, pasobra hopi biaha ta parce manera e mayor tin falta, pero tambe e yiu no ta haci caso di su mayor. Hopi hoben no sa cu ora bo mayor hala bo atencion , ta Dios ta papia cu bo, pasobra bo mayor tin e autoridad di Dios, pa cuida bo , bo mayor ta responsabel dilanti di Dios pa bo, ora abo faya riba caya como hoben , bo tin chens di cay sera, bo mayor no ta bay sera e ta keda sera bao di e mantel di berguensa y duele .
Den e buki di 2 samuel capitulo 11 vers 27) Rey David a haci malo y a kere cu e cos lo keda scondi pero locual David a haci tabata malo den bista di Dios. Y ora e a wordo descubri e a hanja hopi berguensa y duele di locual e a haci y a repenti. Hopi biaha hende por haci cos emocional cu despues nan ta lamenta Laga nos tene cuenta.
E enemigo ta cla pa bisti nos e bachi di duele y berguensa, y asina logra hinca hende y mantene bao di depression, hopi ta keda pega pa años cual por hiba na problema mental, hopi ta drenta vicio, pasobra nan ta kere cu alcohol of otro tipo di vicio por cura nan dolor.
Un aborto, un Perdida di yiu, un kiebro di relacion cercano na e fecha pa contrea matrimonio, un Perdida di un bon trabao, un caida den droga, un malesa terminal inespera, tur esaki ta situacion cu ta pone hende den situacion dificil, pero nada no ta dificil y imposibel pa Dios, serca Dios tin liberacion y sanacion pa tur cos.
Pica ta trece berguensa , manera e muher adultera a pasa aden den Juan Capitulo 8 cu hasta por a causa su bida, pero Hesus tabata presente, y Hesus ta pordona y kita tur berguensa y duele y mal nomber.
E stempel cu hende a pone riba bo e Sanger di Cristo Hesus ta kite, pa bo por ta liber di berguensa y depression, pasobra e plan di diabel ta pa likida bo completo, pa bo wordo dera na bida, y pa nunca mas bo lanta cabes.
Pero mescos cu Hesus a Lanta cabes di Pedro y di Saulo di Tarso ( Apostol Pablo) e ta capaz di hacie pa bo tambe.
Hisa bo cara na laira y gradici Dios, pasobra bo no ta bo so.
Sinceramente,
Pastor Marcel Balootje.
