Durante reunion di parlamento diahuebs mainta, Mike Eman a bisa cu e no ta comparti e ideanan di Coho, cu ta impone e standard di Caribe pa nos isla.
Segun Eman, cu no por ta asina cu por compara Aruba cu otro islanan den Caribe!
Aruba su vision semper tabata mas grandi, pa yega e standard di Merca of Europa.
Pues, e idea di Coho, ta rebaha Aruba, y limita Aruba.
Como ehempel Eman a trece dilanti con Hulanda a dicidi cu e salario minimo na Saba y St Eustatius no por subi.
SOLO a tuma nota di e pensamento di Mike Eman: sinemabargo nos tin algun pregunta;
– Unda su bunita pensamento a keda, ora cu e tabata goberna y tabata crea debe riba debe pa pais Aruba?
– E no por a pensa e momento ey, cu e ta hincando Aruba den un posicion zwak y debil pa, unda el’a kima tur cusinchi financiero di pais Aruba?
– Cu nos ta merced di Hulanda awe, ta danki na ken? Danki na Eman cu desde 2010 a gasta mas placa di loke tabata drenta.
Si Eman tin Aruba asina hopi na pecho, anto e mester a hiba un gobierno drechi!
Pues, awendia Mike Eman a perde tur credibilidad, pasobra e kier bisa; scucha mi voz, pero no wak mi hechosnan!
