Sentencia di huez…. Sindicato SIMAR a haci abuso cu su propio trahador
Trahador di 27 aña na Simar mester wordo tuma bek na trabao, y awor nan kier pone sinta den skina patras
Tin un caso masha cuestionabel cu a tuma lugar na Sindicato SIMAR. Como un sindicato unda bo prome tarea ta pa defende bo miembronan trahador, ta ilogico cu bo ta defende bo miembronan busca nan derecho, pero den bo cas mes, bo ta maltrata un empleada cu tin 27 aña trahando cerca bo.
Den fin di siman SOLO a bin tende cu tin un caso cu a pasa siman pasa, cu ta un berguensa pa mundo Sindical. Peor cu ta bin di un Sindicato cu ultimo dianan tabata den un lucha feroz contra gobierno y ta defende su miembronan y ta exigi participacion y respet.
Simar como dunador di trabao na su cede, a kita un trahador cu tin alrededor di 27 aña di servicio pa supuesto motibo cu no tin bon cara.
Simar na ningun momento a duna e trahador aki oportunidad pa defende su mes, manera cu un bon dunador di trabou ta supose di hasi.
Den forma desespera e trahador a busca un otro Sindicato pa defende, unda tampoco Simar a duna honor na SEPPA, cu ta su propio compañero den lucha.
Caso a bai corte
No a keda e trahador otro opcion cu hiba e caso corte. Huez a duna e trahador y SEPPA rason y Simar mester a tuma e trahador bek na trabou. Tabata pues un retiro inhusto diparti Simar y su presidente Josefina Albertus.
Comosifuera poco, SIMAR no por a traga e pilder amargo, esta e sentencia di huez y manera un mucha malcria, SIMAR a duna ordo pa manda e trahador bay sinta den skina patras.
Ta un berguenza hopi grandi pa SIMAR cu netamente mester lucha pa derecho di trahador, awor a tuma un postura di mucha y ta haci cos di muchachada cu nan propio trahador.
Bo kier drecha mundo? Anto bo mester cuminza cu bo mes! Cuminza na trata hende drechi y duna respet pa bo haya respet.
