Diamars Simar a bolbe trece un critica infunda dilanti, unda nan ta acusa cu gobierno no ta transparente.
Kico te caso?
Segun SIMAR, cu – gobierno a tuma 16 persona riba payroll pa Arumil , pero – den rapport UVR#3 di Gobierno, SIMAR a descubri cu e gasto aki ta wordo bekostigd door di Hulanda y segun nan cu esaki e ora no ta cay den e 8 miyon y asina ta conclui cu GOB no ta honesto o transparente.
Kico te berdad?
Pa culpa di SIMAR mes, cu no kier drenta comicion financiero, nan ta keda basila, hasi wega, pero cu cada ves ta mustra mas y mas nan incompetencia pa compronde cada situacion.
Tin acuerdo cu Arumil ta subi payroll di pais Aruba;
Tin un acuerdo estableci cu cada personal di Arumil ta subi payroll di Gobierno. Pues cu si drenta 1, 5, 10 of 16, e ta bay refleha den e cantidad di persona y salario di pais.
Rapport presenta pa GOB ta corecto:
Maske cu e suma lo wordo ricibi bek for di Hulanda, esey NO ta elimine di payroll y den cualkier print out, e lo sali y lo refleha den payroll di GOB, tanto na cantidad y na placa.
Transapencia:
Awor, ta for di unda SIMAR a haya sa ? no ta den propio rapport UVR#3 mes cu SIMAR a lesa esey? Pues dicon SIMAR ta deshonesto ? Ta lansa critica infunda cu GOB no ta transparente?
Fact check;
Over e 8 miyon na vacatura y BVP; SIMAR no tin rason! Pasobra Arumil ta keda refleha den e 8 miyon cu 16 personal y no por kita esey, pasobra ta asina e overzicht di payroll ta y lo keda.
Acuerdo BVP; Apesar cu Arumil ta bekostigd dor di Hulanda, dor cu e parti di payroll di pais, e lo keda ta un meetpunt den e BVP, unda tur anja, GOB mester tin menos persona den servicio, pa e tamaño di e aparato bay bahando.
Ta di lamenta cu pa di tantisimo ves, SIMAR ta saca tur informacion for di context real, asumi cosnan equiboca, y purba na crea nan propio fantasia di asuntonan, just pasobra nan no kier drenta un comicion financiero, pa haya tur splicacion, Y ta prefera di keda grita pafor den tribune.
Parlamento;
Ta parce cu SIMAR kier tuma over e rol di Mike Eman, di hasi trabao di parlamentario, sin bay eleccion, y ta pa prome ves cu nos ta mira algo asina, un sindicato cu ta bruha den kico ta su tarea, cu kier eherce full un otro rol, cual no ta sirbi e doel cu e tin, cual e ora ta pasa pa sirbi un otro agenda.
