E locuranan di sindicatonan y algun otro gremio parce no tin final. Kico cu nan haya, nan ta piki. Awor nan a scucha reclamo di un Sindicato di WEB liga na AVP, VWI, y mesora nan kier cuminza mete. Ta realmente incomprendibel con nan lider Mike Eman a destrosa WEB den su 8 añanan, sin logra nada, y tur e tempo ey NUNCA gremio ni sindicato a ni hiek, corda blaf. Un projecto di kima sushi pa bira gas, nunca a bira realidad. Un otro proyecto di Flywheel 1, pa warda coriente bao di lama, nunca a bira realidad, pero si a costa 40 miyon florin.
Rapportnan di Kema y Charles Consultant a costa miyones, pero nunca a wordo ehecuta, pasobra nunca WEB por a logra lng gas.
Parce cu Richard Frank tin 15 aña ta studiando lng gas y ainda no ta compronde un patarata.
Un hala di Green Conference na Aruba, pero tambe a sponsoer Green Conference na Miami, cu nunca a produci nada.
Ta ora pa e gremionan y sindicatonan color berde, cuminza pidi un investigacion di loke a pasa di 2010 pa 2017.
Nan a hedge pa 100% e fuel oil, costando pais Aruba 300 miyon florin.
Mientras tur e locuranan aki tabata sosode, ningun sindicato tabata habri nan boca, pero si nan tabata reuni, come pastechi y basha puya den Convention Center cu Mike Eman, firmando tur acuerdo, pa corta pueblo, entre otro corta pueblo pension formalmente. No solamente middenloon franchise, pero subi edad na 65 aña.