Nan a hasi euthanasie riba pensioen.. y awe ta play “yo no fui”
Algun dia pasa nos medionan a trece dilanti cu Sr Ivo Valdes himself a firma den Dialogo Social pa recorta pensioen di tur hende na Aruba, y nos a keda hopi straña cu awe e ta keha. Peor ainda cu awe Ivo Valdes a bira presidente di OPPA. OPPA ta un organisacion (sindicato) di pensionadonan.
Ta hilaridad cu e mes un dokter cu a mata pensioen den dialogo social, awe kier defende pensionado! Het kan verkeren !
Nos medio a hasi expresion poco fuerte, puntrando Ivo Valdes, si encaso e tabata droga!?
Pasobra no por ta asina cu Sindicatonan, Simar, Ivo Valdes hunto cu Mike Eman a dal e pensioen un prik di euthanasie, y awe e kier habri boca.
No ta logico!
Pa no keda ningun duda, nos a publica prueba xla y raspa ! Den nos prueba cu nos a pone, nos a trece firma di Ivo di dia 26 augustus 2010 unda ela dal pensioen di tur ambtenaar un prik di euthanasie.
Kico te reaccion cu nos a haya? Un lider sindical a core ataka nos, bisando cu nos ta falta respect. E lider sindical a publica full e acuerdo di Aug 2010 y danki dios cu el’a hasiele, pasobra el’a confirma e acto di euthanasie cometi contra pensioen dor di SIMAR!
Dia 26 augustus 2010; Ivo y Simar a firma pa introduci middenloon. A bay eens pa termina PVL y introduci NPR2011, esta areglo nobo.
Tambe nan a unifica e pensioen di viehez den pensioen di ambtenaar. Pues bo no ta cobra 2 pensioen mas, pero a unifica nan den un, pa cual nan a yame “franchise” y consequentemente ba bolbe bay atras y perde pensioen.
E cos no a caba ey:
Na 2014 a bolbe bay Dialogo Social y e tempo ey a firma dos otro prikje di euthanasie riba pensioen.
A hisa edad di 60 pa 65 aña! Y tambe a termina e gelijkbedrag pa nos pensioenado cu baha cu pensioen desde 1 januari 2015. Tur esnan cu a baha cu pensioen te dia 31 dec 2014 ( manera Ivo) si ta cobre, pero tur otro a keda na banana.
Pesey mes nos ta conclui cu sindicatonan cu awe ta yena nan boca di pensionado, nan mes a firma pa pasa machete den pensioen na 4 ocacion.
Asombrosamente: Ken ta president di OPPA awor? Ivo Valdes e mes un dokter cu a mata pensioen!
Pues, nos conclucion ta cu sindicatonan cu na 2010 y 2014 a coopera cu Mike pa destrosa pensioen, enbes di a pone ordo riba Mike pa reduci su mega gastonan y paga Apfa e debe pa asina por a segura e fondo, a haci net lo contrario: A duna Mike lus berde pa NO paga Apfa, pero pa hisa edad pa segura e fondo.
Si sindicatonan a hasi nan trabao na 2010 endadelante, nunca Mike por a crea e mega debe, tampoco mishi cu pensioen y peor ainda, nunca Mike por a laga Aruba sin un buffer financiero pa wanta cualke situacion manera pandemia.
