Sint Maarten lo ricibi 19.3 miyon florin for di Hulanda pa loke ta e Coronacrisis Ta trata di e placa pa e di dos tranche. E isla a cumpli cu e condicionnan pa esaki. E placa ta destina na subsidionan di costo salarial cu efecto retroactivo pa dia 1 di juni. E prome tranche, 24 miyon di florin, ya a wordo transferi na fin di mei. Ambos pais ainda no ta di acuerdo riba e di tres tranche, cu ta trata riba e sosten financiero a largo plazo, den cual Sint Maarten mester reduci considerablemente y reforma. Dia 14 di augustus, Conseho di Minister di Reino lo discuti mas riba esaki.
