Durante un rueda di prensa yama pa Solagnel Lacle di Partido MAS, e politico hoben a habri afo riba Marisol y Gunn. Segun Solagel Lacle, el’a wordo usa durante campaña pa Marisol y el’a wordo engaña dor di Juffrouw Gunn. Tur cos ta draai rond di e hecho cu den Partido MAS nan a firma un protocol, cu esun cu haya mas voto ta drenta parlamento, pero a bin resulta cu Marisol a dicidi pa sigui ley electoral, y Gunn na su turno a contesta cu e ta haci loke Marisol pidi’ele pa haci, y asina e lo sigui tambe e ley electoral. Durante 45 minuut Solangel Lacle a splica con tur cos a sosode den partido, unda finalmente e ta yama ambos dama, como persona no integro, ya cu nan actonan sigur no ta refleha integridad. Tambe el’a splica cu el’a yama Marisol 22 biaha, sin cu Marisol a debolbe e yamada. Segun Lacle, sin su 189 voto, Partido MAS lo no a logra obtene e di dos restzetel y asina haya dos asiento. Solangel Lacle tabata mustra determina den su reuda di prensa y e cos cu mas a resalta ta, ta e hecho cu el’a bini bon documenta, mustrando prueba tras di cada ponencia. Mas cu claro esaki a causa un daño enorme den e credibilidad y liderasgo di Marisol, cu algun tempo a atras tabata tilda otro di no tene nan mes na afspraak, pero awendia su mes a bula pipa di protocol.
