Ta ayudante di Gobernador mester a yudabo huramenta, pasobra ni un huramentacion bo no por a haci
Rycond Santos a haya ta bon di hunga professor cu SOLO DI PUEBLO, unda el’a kere cu e por duna nos les etc.etc. Nada otro cu un bon joke. Den su propio reaccion el’a duna nos rason, bisando cu “natrualmente formador no por duna documentonan di screening, pasobra esey ta violacion di derecho di privacidad”.
Esey ta e punto cu SOLO DI PUEBLO a trece dilanti, unda Parlamentario Rycond ta haciendo un peticion cu nos ta considera “none sense”, unda mas bien, e kier saca probecho politico dor di hunga wega.
E weganan politico ey ta bieuw y Rycond como profesor sa masha bon di ley di privacidad. Dia 23 di Juni 2021, AVP a perde un caso den corte, basa riba ley di privacidad, unda huez a dicta cu Censo no ta bay duna AVP e lista di votadornan.
Cu Rycond kier a dirigi su mes na Edmond Croes, haciendo cos di mierreneuker, buscando punto cu coma, den papiamento, ta un otro ridicules. Ningun persona na Aruba ta perfecto den skibri papiamento y semper tin espacio pa mehora. Esey no ta e issue.
Ta mescos cu nos por bisa Rycond: Dia di hueramentacion como parlamentario, bo no por a ni huramenta. Ta e ayudante di gobernador mester a core bay serca bo y fluister bo den bo horea, pasobra bo no tabata sa kico pa bisa. Anto ta profesor bo ta?
Pues, no piki pieuw, pasobra bo no ta perfecto.
Final di e storia ta cu Rycond a bay haci politica barata, exigi documento di screening, pa djey habri full un storia riba Edmond Croes, y pa na final e bin admiti den su mes reaccion cu “natural formador no por duna documentonan di screening, pasobra esey ta violacion di derecho di privacidad”, pues totalmente corecto loke Solo di Pueblo a trece dilanti.
