Den e acusacion di fiscal contra Benny Sevinger y su testafero ( su complice di negoshi) a bin sali na cla cu Susebeek tabata disfruta di un tremendo salario den oficina di Benny pa 7 aña largo. Segun su propio declaracion e no tabata presenta na trabao, pero tabata duna Benny conseho politico na rason di 3 ora pa siman. Durante 7 aña largo, Susebeek no a traha 37 ora pa siman. Ora haci e calculacion aki, e ta sali equivalente na mei miyon florin cu Gobierno di AVP a paga Susebeek sin presenta na trabao. Esaki tambe ta un acusacion contra Benny, unda el’a permiti e comerciante, su bon amigo, haya salario sin traha pe, como tambe hayando tur derecho di cobra un bon pensioen.
Pues, ora cu a bini e critica riba trahador spirito, ata aki a bin sali na claridad con ex Minister a pone su bon amigo ter beschikking di su oficina, y den tur e tempo cu e ta traha supuestamente pa gobierno, e tabata traha pa enirkece su mes cu Benny.