Awe, mi ta bai reacciona ariba e mentira flagrante di loke 24-ora a trece pa delanti dia 10 augustus 2022.
Part 1. (ta bai te part 4.)
Min.Pres. sra Evelyn Wever-Croes y alavez e votegetter di Aruba a haña razon. No mester kere 24-ora su noticianan.
Dia 10 augustus 2022, durante nan noticiero na Bo Guia, e periodistanan di 24-ora a lastra tanto mi defunto tata d.f.m. como mi persona na radio cu mentiranan flagrante.
Nan a trece pa delanti pa tur nan radio oyentenan scucha, cu mi defunto tata Cado Thijzen tawata un fundador di partido Mep. Esaki tawatin di haber cu e manifestacion cu a tuma lugar dia 10 augustus 1977, delanti warda di polis Oranjestad.
Mi tin di desbarata e noticia aki totalmente. Mi tata d.f.m. nunca tawata un fundador di partido Mep. Dia 9 februari 1971, tempo cu Betico Croes d.f.m. a funda Mep, na Mabon 6-b (cas di mi defunto tata), nos tawata ferviente simpasitante y sostenedor di Dr. Dennert d.f.m. cu tawata lider di e partido P.P.A.
Pues mi tata d.f.m. tawata P.P.A. Mi pregunta pakiko bosonan mester trece mentira pa delanti. E berdad lo alcansa e mentira di boso toch. Kiko boso kier logra cu esaki.
Esaki ta caba cu e tiki credibilidad cu boso tin como periodista. Trabao di un periodista ta: informa pueblo OBJECTIVAMENTE. Locu cu bosonan no ta hasi ningun momento.
Tuma ejempel di e.o. Edmond, Hilario Donker, Babu Hoek y Tito Lacle. Min.Pres. a hanja razon, di bisa publicamente durante un reunion publico di Parlamente pa NO kere e noticia di 24-ora.
Por ultimo: laga esaki ta e ultimo biaha cu boso ta menciona nomber di mi defunto tata den bosonan boca. Patrick, si bo sigi grawata, lo bo bai haña hooooooopi cosnan di hole. Pueblo no kere e noticia di 24-ora. Nan ta tendencioso y no ta basa ariba es berdad.
