Delegacion Hubileo Aruba 2025 a tene un rifa pa recauda fondo, cual a tuma luga diadomingo ultimo dia 8 di juni. Ta trata di un rifa caminda bo por a gana pasashi y ful e pakete di biahe cu e delegacion pa atende e Hubileo Hubenil na Roma, di 16 di juli -7 di augustus y asina participa cu e hobennan di Aruba na e Peregrinacion di Speransa!
Via tombola a saca e ticket ganado y a resulta di ta Sr. Mansur A. Mouzalli Mousalli. Dos hoben cu ta bayendo e hubileo a entrega Sr. Mansur su premio, pero como Mansur a caba di bin di Italia, el a regala un hoben cu tabata tin hopi gana di bay Hubileo Hubenil e pakete cu el a gana. E grupo di hoben presente diaranson 11 di juni ultimo den biblioteca di Centro Pastoral Aruba, a bira masha contento, cu un hoben mas di Aruba ta logra bay Roma cu nan. Sr. Mansur masha masha danki, cu Dios bendiciona bo cu e bunita gesto aki.
Tambe a ricibi un premio special André Angela, kende ta e hoben di delegacion cu a bende mas hopi ticket di e rifa. Pabien André!
