Y asina ya nos ta na mitar di e prome luna di e anja 2026. Aruba a conose su prome baby di anja y su prome mortonan den trafico di cual hopi ta lamenta, pero, si ta bay stuur bao influencia di alcohol y corre auto duro cosnan malo por pasa. Unda e fayo ta sinta , den esnan cu no ta stima nan mes prome pero ta laga accionnan di otro determina nan reaccion ? Hopi no tin self control ? Lady Ruth tambe a pasa den situacionnan un crenchi fastioso cu famia cu no ta ruman, na cambio di anja, cu no tawatatin self control, cu a mete den asuntonan di su mayornan cu a caba di fayece, cu gritamentonan mahos fei sla, nan no tawata tin self control y a mete consiente of inconsientemente y despues ta nenga bisa cu nan no a mete. Ufffff ! Y a purba bolter e asunto como sifuera ta nan ta e victimanan.
Enfin, ela gewoon bin ariba awor aki, pasobra ta tur rond di mundo tin cosnan fei sla ta pasando. No ta sconde secreto bau kokodek mas, hahahaha y hopi ta lubida cu tur berdad ta sali na cla. Ta manera tin algo hopi negativo den e aire rond di nos y no ta tur por handel cu stress of cu situacionnan di nan mes y ta mete den situacionnan di otro. Y hopi biaha tur esakinan pa via di placa placa placa, manera e poema inolvidabel di amiga Filomena Wong awe dfm. Nos ta aki na mundo pa sinja di otro y pa ta un bon ehempel pa otro, of no ? Aruba ta un isla chikito pero hopi cos ta pasa riba dje cu por inspira nos tur. Otro caso lamentabel di e pareha turista cu a muri den hotel, un den kamber y un cu a tira su mes fei balcon. Tin hopi cu ta traha mata nan biechie pa mas y mas material y ta lubida e palabra respet pa bo grandinan. Tin hopi ta traha pa biba y tin cu ta biba pa traha. Ufffff!
Lady Ruth nunca a lanta ta show off kiko e tin y pakiko ela traha pe. Su bendicion berdad cu e tin un casa cu a pidie pe keda kas cu nos yuinan tempo nan tawata chikito y mi tawata e chaufeur pa hiba nos yuinan les di tennis, futbol, zwemles y mas. Nos tawatatin lo necesario y no tawata antoha pa mas y mas. Nos nunca a lamenta e decision aki. Nos ta comprende cu awendia ambos mayor ta traha, pasobra cos ta caro y prijsnan ta sigi subi. Nos ta respeta hendenan asina, pero ora stress dal nan y nan perde nan strea di nort ta algo ful diferente. Hopi jammer ! Kan gebeuren.
Nan ta saca nan cara di berdad cu nan a sconde su tras pa asina hopi tempo ? Lady Ruth ta hopi transparente den su skirbimento, principalmente ora e wordo inspira pa skirbi nan, pa otronan por sinja di esakinan. Danki Dios cu tur cos ta pasa pa un motibo of otro y ta keda den pasado. Sinja e les . Nos ta conclui nos relato di awe cu algo mas leuk ! Mi bon y bunita amiga Loly y Ruthy a bay come un hapje dushi den e restaurant Campeones na Mariott Hotel y a saborea e dushi pero dushi cuminda mejicano ! Nos a comprende cu riba Diaranzon tin Mariachi ta toca y canta eyden.
E lugar ta hopi gezellig ! Ah si ! Nos pabien na Ryon Dijkhoff cu ta un disenjador di bistirnan super nice mes pa Eva Boutique den Reinassance Mall. Lamentablemente no tawatatin e size di Lady Ruth, aunke nos no ta un bari gordo diki , hahahaha, tur ta size pa hende super super slank. Uffff tin hopi obesidad si na Aruba ! Lady Ruth lo cuminsa subi hooiberg atrobe tur atardi ! Danki lieve Amparo pa e bon atencion y bon servicio duna na clientenan . Danki na nos lectornan cu ta lesa nos relatonan semanal fielmente y cu atencion. Pasa un bon y dushi dia yen di sabiduria den nos alegria ! Ban poco poco den nos actividadnan di Carnaval ! Oh, e anja aki tur e reinanan ta mas bunita , Lady Ruth a gusta esun cabey color oranje asina !! Hopi cute mes !
Danki un biaha mas pa e bon comentarionan pa cu nos poema” Pensamento pa pensa” den nos relato di siman pasa. Un “bearhug” di Ruthy “Lady Ruth”.
