Stichting BOB Aruba, e bevolkingsonderzoek borstkanker di Aruba ta felicita su team di tecnico di radiologia y radiologonan.
Stichting BOB Aruba a ricibi un visitatie di LRCB Hulanda.(https://www.lrcb.nl/)
A completa e visitatie di 3 dia incluyendo un training pa nos tecnico di radiologia.
LRCB ta e expert center Hulandes pa screening y un partner importante di Stichting BOB Aruba. Desde comienso di e programa di screening pa pueblo den 2016, Stichting BOB Aruba ta collabora cu LRCB Hulanda.
E obhetivo cu LRCB y Stichting BOB Aruba ta comparti ta pa optimalisa e calidad medico y fisico-tecnico di e programa di screening. E expertonan di LRCB ta ambos supervisa y contribui na esaki. LRCB ta optimalisa y garantisa conocemento, tecnica y tecnologia.
Na e manera aki Stichting BOB Aruba ta enfoca continuamente na mehora e calidad di e programa di screening di pecho pa deteccion na tempo. Den e manera aki Stichting BOB Aruba ta yena un rol grandi relaciona cu prevencion y tratamento di cancer di pecho.
Tocante Stichting BOB Aruba.
E programa di screening di pecho ta pa e ser femenino entre 45 y 75 aña di edad cu un carchi AZV valido. E programa na Stichting BOB Aruba ta continuo y nos ta motiva participacion di cada 2 aña. Yama Stichting BOB Aruba pa haya informacion of pa traha un cita na Telefon 588-1212. Tambe por manda un mensahe na e number di What’sapp 594-5020.
Pa mas informacion tocante deteccion na tempo por bishita e website di Stichting BOB Aruba: www.bobaruba.com
Un mamogram na tempo, por salba bo bida!
