Stingray Swimming Team a entrega un prestacion sobresaliente durante e reciente PanAm Aquatics Open Water Competition na Aruba, unda varios atleta a subi riba podium pa busca nan medaya, representando Aruba y Stingray Swimming Team cu orguyo.
Leandro a domina e 1KM
Leandro Santiesteban a corona como Overall Winner masculino den 1KM, ganando dos landador di Puerto Rico. Tambe el a sa di segura su medaya di oro den categoria 13–15 aña, como tambe confirmando su posicion como un di e talento hoben fuerte di Aruba.
Den 1KM categoria 16–29 masculino dos landador mas a subi podium:
- Xendrick de Man medaya di plata
- David Koolman medaya di brons
Cu presencia di dos landado femenino den 1KM, Stingray a logra:
- Iva Werleman meday di oro (11–12)
- Canila de Cuba medaya di oro (16–29)
Ocean a gana e 3KM
Ocean van Loon a domina e 3KM, logrando Overall Winner como tambe medaya di oro den su categoria 16-18.
Den e mesun categoria tabatin 2 atleta mas di Stingray, cu a haci un excelente prestacion y a keda na e siguiente top posicion:
- Tyler Richards na di 5 lugar
- Yeshua Maduro na di 7 lugar
Den 19–29 masculino e landador
Landon Laaf a sa di conkista medaya di plata den 3 KM.
Orguyo pa Stingray Swimming Team
E resultado aki ta mustra e potencial, disciplina y talento cu Stingray ta sigui forma, poniendo Aruba riba e mapa den open water tambe. Stingray Swimming Team kier felicita y sigui encurasha su landadornan pa sigui cu e excelente dedicacion pa e deporte aki y nos lo sigui crea campeon.
