Frente na un posibel disminucion di turista for di Merca, Aruba Tourism Authority (ATA) ta implementando un strategia pa compensa e perdida aki. Ronella Croes, CEO di ATA, a indica cu e enfoke ta awo riba Latino America y Europa. Den e caso di un caida di 5% di Merca, cu ta representa aproximadamente 54 mil bishitante menos, ATA ta spera cu Latino America por compensa 33 mil di e bishitantenan aki. Pa logra esaki, ta den combersacion cu aerolineanan pa aumenta e cantidad di asiento aereo for di paisnan manera Brasil, Argentina, Chile y Peru. Tambe ta explorando posibilidadnan cu KLM pa un aumento di capacidad for di Europa.
