“Ta permiti mi ta aki?” E pregu ta conmovedor aki tabata e centro di e evento “Empowering my Caribbean Identity,” organisa p’e Fundacion WeConnect. E fundacion educativo a reuni por lo menos 50 studiante di Caribe Hulandes na Den Haag dia 28 di juni pa discuti riba racismo, discriminacion y e sentimentonan di exclusion. El a converti den un dialogo habri caminda cu e personanan tabata vulnerabel pero a mustra nan frotaleza.
Experiencia doloroso
E pregunta “Ta permiti mi ta aki?” tabata parti di un actuacion crea y presenta pa dos empleado di WeConnect. Nan a puntra e publico atento: “Boso ta wak mi of solamente mi colo?” Varios hoben a comparti nan expeerie cia, hopi biaha profundamente doloroso, con nan ta wordo interoga riba nan lealtad na Hulanda durante un entrevista di trabao, no wordo tuma na serio como dokter pasobra nan ta di Corsou y ta cuestiona riba nan neutralidad. Tambe nan a menciona semper tin un asiento bashi banda di nan den bus, hasta ora cu e otronan ta para.
Resiliencia
Durwin Lynch, profesor y coordinador di master den Ciencia di Salud na Vrije Universiteit di Amsterdam, a facilita e parti sustantivo di e evento. El a anima e studiantenan pa discuti momento caminda cu nan ta sinti nan mes fuerte of vulnerabel. “Anima bo mes,” el a bisa, animando nan pa ta autentico. “Nos kier a fortalece e resilie cia aki proporcionando un ambiente sigur p’e hobennan expresa. Ta bunita y emocional mira con nan ta hacie,” Tanja Fraai, manager di WeConnect a splica.
Punto di accion
Un di e asistentenan tabata Rabin Baldewsingh, coordinado nacional contra discriminacion y racismo desde 2021. El a menciona cu su nomber tambe tabata riba e listanan infame di autoridad fiscal Hulandes envolvi den e scandal di Kindertoeslagen. Ora a puntra riba punto di accion concreto pa sostene e hobennan aki, el a indica: “Lo ta great si e gobierno Hulandes por traha pa exonera e debenan estudiantil,” loke a bal e un fuerte aplauso.
Aña conmemorativo
Roald Lapperre, director general di e Ministerio di Interior y Relacionnan di Reino, a asisti personalmente den nomber di e ministerio. El a expresa su profundo impresion p’e storianan comparti. E reunion aki tabata parti di e aña conmemorativo cu a recorda specificamente e abolicion di sclavitud. A organisa diferente actividad tanto na Hulanda como den Caribe Hulandes. E aña conmemorativo aki ta culmina dia 1 di juli (awe) cu e celebracion di Keti Koti.
