Fonds voor Cultuurparticipatie ta duna subsidio pa educacion cultural na Aruba, Corsou, y Sint Maarten. Pa medio di e programa di subsidio aki, e Fondo ta encurasha e desaroyo y fortificacion di educacion cultural den scolnan di enseñanza special basico y secundario.
Pa institutonan cultural y profesional
Por pidi un subsidio dor di un institucion cultural o profesional cu ta sede na Corsou, Aruba, o Sint Maarten (cu tin por lo menos dos aña ta traha pa su mes riba tereno di enseñanza cultural).
E peticion ta pa un colaboracion entre e solicitante y un of mas scol. Tanto e solicitante como e scolnan mester ta situa riba e mesun isla.
Bo por aplica pa un subsidio pa esaki
Exploracion (€5,000 – €15,000). Preparacion di proyecto ta tuma tempo. E subsidio aki lo permiti bo explora y prepara pa colaboracion riba un proyecto di educacion cultural. E ta provee oportunidadnan pa discusion, desaroya plannan, promove experticio, haci acuerdonan riba topiconan manera contenido, alocacion di tarea y financiamento, y test actividadnan.
Proyectonan (€15.000 – €50.000). E subsidio aki ta permiti bo desaroya y implementa bo proyecto. E ta disponibel pa proyectonan cu ta contribui na mas y miho educacion cultural pa scolnan basico y (secundario) specialisa. E educacion cultural ta tuma luga durante oranan di scol y ta adapta na e necesidad di e studiantenan.
Primi aki pa mas informacion tocante e programa di subsidio.
Inscribi pa e sesion di informacion
Riba 9 di september y 18 di novèmber e Fondo ta organisa sesionnan di informacion online. Durante e sesionnan aki, conseheronan di subsidio lo splica e programa di subsidio y su terminonan y condicionnan. Nan lo contesta tambe preguntanan di e esnan presente.
Inscribi aki pa e sesion di informacion.
Otro programanan di educacion cultural
Banda di e programa aki, e Fondo ta ofrece dos otro programa pa educacion cultural: Educacion Cultural den vmbo, vso, pro 2025-2028 y Education Cultural den mbo 2025-2028. Tur dos programa ta disponibel pa solicitante di e parti Caribense di Reino Hulandes.
Mas informacion
Bo no ta sigur si bo idea ta cualifica pa e subsidio aki o nos otro programanan di educacion cultural? Tuma contacto cu un di nos conseheronan, inscribi pa un sesion di informacion, o e-mail bo pregunta na cultuureducatie@cultuurparticipatie.nl.
