Diadomingo mainta a drenta informe di un accidente no usual cu hende herida pabao di rotonde Ser’i Teishi, mesora a dirigi tanto polis como ambulans na e sitio. Na yegada di e patruya nan no por a kere con e accidente aki a sosode. Ta asina cu e chauffeur di e Tiida bayendo direccion Oranjestad ora cu diripiente pabao di rotonde Ser’i Teishi un Suzuki Swift preto a bini cu velocidad halto dal tras di e Tiida y keda pushe pa mas di 4 palo di lus. Segun e chauffeur di e Tiida e mester a maniobra e distancia ey pa evita cu e perde control y dal na e bandanan. Despues di luchando pa 4 palo di lus e Swift a logra pas’e y sigui bay. Debi na e impacto tanto e chauffeur masculino como e dama pasahero a resulta herida na yegada di e prome ambulans nan a pidi pa un di 2 ambulans ya cu tabata tin 2 hende herida. Na yegada di e 2 ambulansnan nan a atende e victimanan y a transportanan pa hospital. Polis a haya e datos di Suzuki Swift color preto aki cu a hit & run y a keda di bay atende cu e chauffeur aki.
