Desde di luna di Maart 2020 nos ta den un situacion delicado pa motibo di e virus Covid 19, y
hopi ta e eventonan local y turistico cu a wordo cancela of posponi. Nos di Sweet Pan Music
Productions ta uni nos mes na duna prioridad na nos salud y di esnan rond di nos y asina ta
cumpli cu e reglanan pa ta cauteloso y cuida nos mes. Pa e motibo aki mas cu claro nos a haya
nos mes ta cancela nos evento ‘Honor to Connor Steelband Celebration’ edicion 4, cu ta un
evento annual cu ta tuma lugar na e Amphi Theatre Edgar Connor na Paseo Herencia Mall riba
18 di Augustus. Nos no tin claridad con e situacion lo continua, pero si tur cos bai bon, otro aña
si nos evento ‘Honor to Connor Steelband Celebration’ edicion 4, lo tuma lugar dia 18 di
Augustus 2021.
Pa locual ta trata ‘Honor to Connor Steelband Extravaganza’ cu ta e memorial birthday
celebration di Sr. Edgar Connor (q.e.p.d.) y cu tambe ta un evento annual cu ta tuma lugar
dilanti Charlie’s Bar dia 18 di Januari, nos ta spera cu esaki si por continua den 2021.Nos ta
gradici un y tur cu ta pendiente pa presencia, participa y contribui na nos eventonan di Sweet
Pan Music Productions, y asina cu nos tin mas claridad nos lo por confirma e fechanan di nos
eventonan.
Pa locual ta trata e lesnan di musica di steelpan cu ta wordo duna pa Aruba Panman
Foundation, esaki si ta continua na Scol di Arte tur diaranson. Pa mas informacion por tuma
contact cu Scol di Arte of rumannan Nico y Lee Connor. Stay healthy, stay safe.
Danki pa boso publicacion.
Pa mas informacion por tuma contact cu mi persona.
Saludos cordial,
Paula Engelen
PR Sweet Pan Music Productions
6306640 – myvoicemycreativity@gmail.com
