Misterio y secreto pa 17 aña
30 di Mei 2022, ta marca 17 aña di desaparicion di Natalee Holloway.
17 aña di misterio y secreto!
Riba nos isla chikito, ta masha dificil pa wanta un secreto, pasobra e informacionnan ta core mesora, cu excepcion di e caso di Holloway y algun otro caso.
Tabata 30 di mei 2005, den ora di anochi cu el’a subi auto di Kalpoe, hunto cu Joran, saliendo di Carlos & Charlies, un nightclub den Wesstraat.
Desde e momento ey, nos a tende 1001 storia; Cu a bahe na Holiday Inn, cu el’a pidi pa mira Tribon na California Lighthouse, etc etc, te cu el’a baha di auto na Fisher’smans House.
Joran van der Sloot, e sospechoso den e caso aki, riba mes un fecha, 5 aña despues, na 2010, a mata un dama Flores den kamber di hotel na Peru, y awor sintando 28 aña di castigo.
Ta un storia cu a pone Aruba den un spot poco negativo cu ta parce un telenovela cu ainda no a yega su final.
Recien Greta van Susteren a bisa di tin prueba clave den e caso, pero te cu awe, nada!
Un cos ta sigur! Natalee Holloway lo a fayece, kisas wordo mata, of wordo neglisha ayudo medico durante cu el’a bira malo of un posibel overdosis. Pero unda e ta ?
Den lapso di algun ora a logra sconde su restonan mortal, cu ta laga un secreto biba 17 aña largo. Cuanto aña mas? Nos lo mira e capitulo final ?
Nos tin comprension pa e dolor di su famia y alabes ta deseanan forsa den nan lucha pa yega na e berdad.
Tin hopi pregunta cu a keda habri te cu awe y pa cuanto aña mas ??
