Otmar Oduber a informa cu el’a ricibi notificacion cu e lo wordo hiba corte pa un total di 3 punto;
1. Otorgamento di 2 tereno di cas na Malmok, riba denuncia di Marisol
2. Trahador spirito, riba denuncia di Marisol
3. Caso Esser, unda el’a faborece trahador a cambio di voto, of yuda votador di Por cu trabao
Acusacion Malmok:
Acusacion Malmok ta bay riba otorgamento di dos tereno grandi na Malmok, contra maneho. Segun Otmar a bisa, den su tempo, DIP a otroga 3000 tereno pa traha cas y den 3000 tereno, nan tin 2 tereno cu segun OM lo tin cosnan irregular. E ta wordo acusa di ta medeplichtige, cu a actua contra maneho.
Nan no tabata na beurt pa haya tereno:
E acusacion ta bisa cu e dos personanan cu a haya tereno, no tabata na turno e momento ey. DIP tabata bezig cu aña 2012, siendo e peticionnan ta data di 2014. Pues segun OM cu Otmar a faborece 2 persona cu no tabata den e grupo di 2012.
Segun Otmar Oduber, cu Husticia no tin rason riba nan ponencia y den corte e lo bari e acusacion aki for di mesa.
