SOLO DI PUEBLO a haya algun reaccion riba e hecho cu Patrick Paskel kier expone su ruman homber, pa na un forma sin necesidad, pe por bebe sanger di Rocco.
Peor ta cu tur loke el’a papia, ta mentira! E caso cu e ta referi na dje, ta e caso unda su ruman homber y su cuña, ambos ex polis, dia 13 di maart 2013, hunto cu otro colega, a acudi na un cas na Sabana Basora, y pone pistol riba un famia, enbusca di un brommer. Ronald Paskel y su casa hunto cu un otro colega den un Toyota Prado color preto a para dilanti un cas, menasa habitante cu arma, mientras un polis tabata busca rond den e cas.
Tur tres a wordo sentencia pa huez. Ronald Paskel aparentemente no a sinta su castigo ainda di 18 luna di prison. Minister Rocco Tjon no tin nada di haber cu e caso aki. E no tin ni arte ni parte. Pero Patrick Paskel, hambra pa poder, a lanta cacho for di soño, unda el’a bolbe rebiba e caso di su propio ruman, sentencia pa huez, y kita di trabao.
Esaki el’a haci’ele, aparentemente pa saca vengansa pa Krammers? Unda nan kier bebe Rocco su sanger. Rocco a entrega keho penal y tambe a lanta un caso civil. Si Patrick Paskel no rectifica su mentiranan infunda, lo hibe dilanti huez. E caso ta super cayente y nos lo sigui caso di cerca.
Ta increibel con Patrick Paskel, riba storianan infunda (aparentemente di Krammers) ta trece tanto na tanto mentira den comunidad.
Awor e mester bay deal cu dos keho, uno penal y civil. Aparentemente ya caba e lo mester a haya e demanda civil di abogado y awor su defensa legal lo inicia.
E mester trece prueba awor dilanti huez. Tur e pruebanan cu el’a referi na dje pa segura cu Rocco tabata cera (cual no te caso!).
Poco poco nos lo mira e desaroyo di e caso aki.
Ronald Paskel, a sinta su castigo di 18 luna di prison?
