27 persona a fayece y decenas a resulta herida pa un explosion fuerte cu a tuma luga dia 30 di december na e Aeropuerto Internacional di Aden, poco despues cu un avion cu miembronan di e Gobierno nobo di Yemen a baha, segun e canal Al Hadath, citando un representante gubernamental.
E ministernan no a sufri herida. Un coresponsal di Al Arabiya a indica cu e explosion a wordo compaña pa disparo.
E minister di Informacion di Yemen, Muammar al-Eryani, a declara atrabes di su cuenta personal riba Twitter cu “e cobarde atake terorista” a tuma luga door di milicia Huti respalda pa Iran.
Di su parti, Sky News Arabia ta cita su coresponsal y ta informa cu a tuma luga dos explosion: uno a tuma luga como obhetivo e pista di aeropuerto y e otro e terminal.
Un di nan a tuma luga cerca di e zona unda cu tabata tin periodistanan cu a yega na e aeropuerto di Aden pa cubri e yegada di e Gobierno y a herida un camarografo di Sky News Arabia, segun e publicacion.
