Partido MEP:
Dia 10 di januari 2022 a tuma luga e huramentacion di e miembronan di Kabinet Rutte 4 despues di e eleccion pa miembronan di Tweede Kamer di dia 17 di maart 2021 y den cual e partido D66 a obtene 24 asiento.
Partido MEP kier a extende palabra di felicitacion na henter e partido D66 lidera pa sra. Sigrid Kaag cu a crece bastante den asiento birando e di dos partido mas grandi na Hulanda y cu su funcion actual como Minister encarga cu finanzas y alabes Vice Prome Minister. Den total D66 tin representacion di 6 Minister y tres Staatssecretaris den e Gabinete Rutte 4 y pa cual MEP ta desea cada un di e mandatarionan aki hopi sabiduria y exito.
Mester recorda cu desde algun tempo caba ta existi un laso di amistad entre MEP y D66 caminda entre otro na juli 2019 e dos partidonan aki a firma un declaracion di intencion pa mas cooperacion y den cual enfasis ta wordo poni riba medio ambiente, enseñansa y economia.
Alabes partido MEP na aña 2019 a duna su conseho di voto y sosten pa e candidata di D66, Samira Rafaela drenta Parlamento Europeo.
Sin duda cu e bon relacion aki lo resulta na beneficio di ambos pais den Reino Hulandes. Un biaha mas, hopi exito.
