Si Mi pueblo cu ta wordo yama na Mi nomber humiya nan mes.y haci oracion, y busca Mi cara y bira for di nan mal caminda nan e ora ey lo Mi tende for di cielo, y lo Mi pordona nan pica y cura nan tera.
( 2 Corintionan 7:14).
E senjalnan aki lo companja esnan cu ta kere den Mi nomber, nan lo saca demonjo, nan lo papia den lenga nobo, Nan lo cohe colebra cu man,y si nan bebe algo mortifero,esey lo no haci nan danjo,nan lo pone man riba hende malo y esakinan lo bira bon. ( Marco 16;17-18).
Mira mi a duna boso autoridad pa trapa riba ,colebra y scorpion, y riba tur poder di e enemigo, y nada lo no haci boso danjo.( Lucas 10:19).
Y tur loke boso pidi den Mi nomber, esey lo Mi haci, pa e Tata wordo glorifica den e Yiu. Si boso pidi algo den Mi nomber, lo Mi hacie.(Juan 14:13-14).
Pesey tambe Dios a halse te na alturanan y a dun’E e nomber cu ta riba tur nomber, cu pa e nomber di Hesus tur rudia mester dobla, di esnan cu ta den cielo, riba tera y bao di tera, y cu tur lenga mester confesa cu Hesus Cristo ta Senjor, pa e Gloria di Dios Tata.( Filipensenan 2:9-11).
Boso ta di Dios, yiu chikitunan,y boso a vence nan, pasobra mas grandi ta Esun cu ta den boso, cu esun cu ta den mundo.
Pesey somete boso mes na Dios. Resisti diabel y e lo huy for di boso. Hala serca Dios y E lo hala serca boso,( Santiago 4:7-8).Limpia boso mannan , boso pecadornan,y purifica boso curason, boso
di curason dobbel.
No tene miedo pasobra Mi ta cu bo, no desmaya pasobra Mi ta bo Dios,Lo Mi fortalese bosi lo mi yuda bo,lo Mi sostene bo cu Mi man drechi di husticia.(Isaias 41:10).
Nos ta sirbi un Dios grandi fuerte y poderoso, den kende nos tin tur autoridad contra forsanan di maldad,
Hesus a bisa e senjalnan lo companja esnan cu ta kere, awor a yega tempo pa den cada hogar riba nos isla nos lanta un oracion den nomber di Cristo Hesus pa corre cu tu maldad y plannan diabolico. pasobra nos tin e autoridad pa hacie.
No ta tempo pa keda keto sinta mira cosnan sosode y bisa mi tabata sa, no ta tempo di bisa cu mundo ta bay caba, pasobra ningun hende no sa ki dia Cristo Hesus lo bini bek bin busca su pueblo,ta tempo di aparta for di maldad, y no duna diabel ningun oportunidad , ta tempo pa arepenti, y busca Dios, bandona caminda di orguyo y arogancia, y busca Dios di henter nos curason.
Tur accidente y tur crimen tin nan motibo y nos tur sa ken ta den e asunto aki, pesey nos mester pone idolatria y bruheria un banda y no hunga cu cosnan cu nos no conoce.
Biba pa Dios, y laga nos curason ta firme tur momento pa alaba y glorifica Senjor.
Kibra cu tur sorto di cos den nos bida cu no ta agrada Dios, especialmente cos nan inmoral.
Spirito di morto y rebeldia nos ta reprende bo den nomber di Cristo Hesus, e Sanger di Cristo Hesus ta contra di bo.
Awor mas cu nunca tur cas , tur famia, mester tin un tempo di oracion, pa Dios su proteccion y Dios su guia,laga cada un di nos pordona otro, laga nos biba bon cu otro, no paga malo cu malo, laga nos stima otro ,manera Dios a manda nos.
Sinceramente,Pastor Marcel Balootje
