Negocacion cu Hulanda.
Promer Minister di Aruba, Sra Wever Croes durante un media briefing e siman aki a repasa e status di e negoscion cu Hulanda:
El’a resumi e desaroyo riba un timeline:
“Bay un poco di dia atras, dia 6 di juli, nos a wordo sorprendi cu un cantidad di condicionnan nobo cu Hulanda kier a pone na e placa cu nos a pidi pa subsidio di e di tres tranche. Nos no por a acepta sin mas y dia 10 di juli mi a bay atende rijksministerraad pa purba haya mas tempo y pa nos bay na mesa cu otro pa negosha.”
A logra separa Aruba di e otro islanan
Algo cu m’a logra y Hulanda desde e momento ey cu su trayecto separa pa Aruba, pa nos dialoga y na mesa di dialogo purba di sali afo. Desde e momento ey nos ta negoshando te awor ainda.
Ronda consultativo cu gremionan
Na Aruba m’a cuminsa cu un proceso transparente y habri pa consulta cu gremionan. Gremionan sindical, gremionan empresarial, lidernan politico y parlamento. M’a tene varios reunion den e ultimo simannan aki y a base di tur loke tur hende tabata trece p’adilanti cu mi mester bisa ta basta similar, nos a cuminsa e negociacion cu Hulanda, basa riba e input di cada un di e reunionnan aki.
Autonomia
Mi por menciona algun di e puntonan cu ainda nos ta papiando di dje. Tin varios punto, pero algun di e puntonan cu nos ta papiando di dje, un tema importante ta e autonomia.
Nos no mag di perde nos autonomia den e proceso aki. Claro nos ta realisa cu nos tin mester di e ayudo, sino nos no ta sali for di e problema aki. Pero nos a realisa tambe cu ta danki na e autonomia di nos pais, e DNA den nos ciudadanonan ta locual ta yuda Aruba pa bay asina dilanti, despues di nos Status Aparte, cu a yuda nos desaroya un mercado turistico cu ta un di esunnan mas exitoso na mundo.
Tres punto esential di negosacion;
Pues entre e dosnan aki mi ta negoshando y purba di yega na acuerdonan cu Hulanda, pa
1. Respeta nos estado di derecho,
2. Respeta cu Aruba mester por scoge su gobernantenan,
3. Especialmente di tres, respeta e rol di e parlamento di nos pais.
Esaki nos ta papiando riba dje. Nos no ta afo ainda nos no a sali afo ainda, pero nos ta papiando.
Asina Minister President Wever Croes a informa.
