Diamars mainta, Parlamentario Dellanire Maduro (POR) a tene un rueda di prensa y a papia riba e lista cu a lek cu ta contente nomber di pacient: E parlamentario a bisa cu e’lo entrega preguntanan na minister concerni pa asina por haya mas claridad.
Lista cu a lek cu nombernan di pacient
El’a bisa: Pa cu esaki tambe mirando ultimo aconsietimiento cu nos a mira pa locual ta e lista cu a wordo divulga di privacidad cu informacion confidencial di nos pacientnan, ta importante pa sa ki tipo di programa actualmente e departamento ta uza. Esaki nos por a mira cu dokternan di cas ta uza, un tipo di programa, den e departamento ta uza un tipo di programa, bo tin cu login, bo mester tin un token, bo mester un password pa haya aceso, bo mester sa ki tipo di programa, si por ehempel e tin un time frame cu ta log bo out automaticamente? E programa aki ta brinda un lista unsuario cu a hasi uzo di e programa den e ultimo dianan? Tambe ta importante pa nos sa y pesey tambe sa informacionnan di gobierno pa mira si ta trata aki di informacion cu a sali internamente di e programa aki, a wordo gehack? Nos no sa ainda, no tin claridad riba esey, dus ta hopi importante pa tin claridad riba e puntonan aki.
A test muchanan bao di 12 aña?
Otro puntonan manera mi a menciona parti di muchanan cuanto muchanan por ehempel nos tin cu ta menor di 12 aña cu a wordo getest? Cuanto di nan ta positivo? Cuanto di nan a presenta sintoma? y cuanto di nan no? kico ta e sintomanan mas frecuente den mucha? Pasobra nos sa cu e por varia den edad, algun por tin tosamento, e ta varia hopi, pero e ta importante pa tin claridad. Nos tin diferente pregunta, pasobra e dia di awe nos ta hasi entrega di total di 25 pregunta, anto pa cu esaki ta importante, tambe ta na momento cu un persona por ehempel, ta positivo of na momento cu bo a wordo getest, datonan dibo personal ta wordo pidi, di bo persona, kico ta wordo hasi cu e informacion aki? Esey ta hopi importante pa tin un bon maneho pa locual ta informacion personal di algun persona.
