Un rato despues cu autoridad a detene su yiu, Micheal Williams a reacciona y a lansa varios menasa contra varios persona.
Williams ta hopi rabia cu autoridad ta busca su yiu pa un problema na Azia Restaurant.
Den su mensahenan desde Venezuela, e dirigi su mes na Fiscal Rep, unda el’a indica cu si mester, e lo tuma husticia den su propio man.
Segun Williams e ta getrain pa esaki y cu e ta ruim op sin “geluid”. Hendenan a conclui cu e lo ruim op usando arma silencioso cu no ta haci sonido.
Tambe el’a manda varios menasa den direccion di Minister President, bisando entre otro cu e lo primi un konoppi y cosnan ta sosode.
SOLO DI PUEBLO ta compronde cualke emocion di Sr. Williams, pero tampoco por ta asina cu menasanan ta skeiro unda mester menasa otro publicamente di lo manda sikario pa mata hende. Nos ta haci un yamada di paz y pa e situacion aki no escala y principalmente cu nos ta den siman di pasco.
