E presidente electo di Merca, Joe Biden, lo a asigna e dirigente democrata Deb Haaland como e secretaria nobo di Interior, manera cu decenas di legislador den e ultimo dianan a pidi, pa cual e por converti den e prome hende muhe indigena den ocupa e cargo aki, segun The
Washington Post a reporta. Te asina leu, Haaland ta desempeña como congresista representando e estado di New Mexico. Cu e cambio di administracion, e politico aki di 60 aña, proveniente di Pueblo de Laguna, lo ta e unico descendiente di e pueblo originario “Kawaik” (hendenan di lago) cu ta logra dirigi e cartera. Di e forma aki, Cas Blanco lo marca un punto di inflexion pa e Departamento di Interior, cu den su 171 aña di historia tabata parti di conflicto y negociacionnan tenso cu e 574 tribunan reconoci pa e Estado. Di un otro banda, ta spera cu e dependencia aki di Washington cumpli cu un rol importante den e promesa di campaña di Biden riba e combate pa cambio climatico, ya cu e ta administra casi un quinta parti di e teranan na Merca.
