Algun dia pasa, Minister Glenbert Croes a emiti un mensahe unda e ta pidi pa resepta su privacidad. Tabata dia 20 di November, riba un diasabra, cu e Minister a tuma nota di un drone para riba su cas. E minister a filma e drone aki pa asina tin prueba. For di basta dia caba, e voceronan di AVP, Patrick Paskel y Speed Andrade ta lansando atakenan baho un tras di otro contra Minister Glenbert Croes y henter su famia. Tur dia nan ta plama odio, instigacion y ta falta tur hende respet den e pais aki. Ne formanan di mas baho y vil, nan ta grita manera dos alma malo, cu tin ansha pa bolbe bek na poder pa asina bolbe haya acceso na placa di pais. Hopi te comerciantenan cu a laga kita nan propaganda for di e vocernan aki, mirando nan nivel. E odio cu nan ta expresa ta asina grandi, cu casi bo por conclui cu nan kier laga mata henter e famia Croes, pasobra aparentemente cu famia Croes lo ta sumpiña den nan wowo, un rival politico cu nan no por domina, y cu ta stroba Mike Eman y AVP di drenta Gobierno, pa asina nan por sigui enrikese nan haciendo corupcion cu fondo publico y tereno.
Tur caminda nan ta graba of sigui ministernan, pa asina purba na haya cualke cos pa spart instigacion. Hasta e esposa di Minister Glenbert Croes a wordo sigui y wordo filma. E strategia cu nan ta hibando tin hopi precupacion den seno di AVP, pasobra e strategia di lastra hende no a duna su fruto pa partido AVP ni na 2017 ni na 2021. E partido a bay atras cu 15.000 voto y internamente nan ta culpa Patrick Paskel entro otro, cu a apodera di e partido y a haci y deshaci di Mike Eman. E precupacion ta cu si Partido AVP sigui tene man cu e voceronan aki, nan lo yuda AVP sigui perde mas voto.
Mientras nan ta busca tur forma pa lastra famia Croes, nan ta keto keto riba nan mes fechorianan cu nan a comente, enrikeciendo nan mes bao di Gobierno di Mike Eman 1 y 2.
https://www.instagram.com/tv/CWfuS1CDYbr/?utm_medium=copy_link
