Recientemente a surgi un discucion ora cu secretario di estado a duna contesta na Noticia Cla durante un rueda di prensa cu ta un oferta so el’a ricibi di Promer Minister Evelyn Wever Croes riba RAFT.
Tabata un dia promer, esta dialuna cu Promer Minister di Aruba a bisa cu el’a entrega Hulanda varios oferta of proposicion referente cambio di RAFT.
Pues Sra. van Huffelen a nenga esaki bisando cu ta solamente un oferta el’a haya, riba dia 28 di Augustus cual ta referi na e solucion hybride.
SOLO DI PUEBLO a bay bek na e reunion di parlamento di Aruba dia 21 di Augustus 2023 unda promer minister a trece TUR e informacion dilanti. Aki a bin sali na cla, cu ta varios propisicionnan y oferta a wordo manda pa Hulanda. Tur ta documenta y cu fecha.
E promer oferta a bay na Juni 2022 y nan ta como lo siguiente;
1. Juni 2022
2. 7 feb 2023
3. 5 april 2023
4. 4 juli 2023 otro oferta
5. 17 juli 2023
6. 25 juli 2023
7. 21 aug 2023
8. 28 aug 2023 (hybride)
Entotal 8 carta di proposicion a bay pa cambio di RAFT. Ademas un cantidad di zoom meetings y varios reunion personal.
Nos a keda masha straña cu Van Huffelen kier descredita Promer Minister di Aruba cu mentira flagrante. Esey no ta un gesto apreciabel y mas bien hasta kisas ta un falta di respet!
E ta realmente increibel cu un secretario di estado, esta Van Huffelen por trece un informacion asina robes dilanti pa trece duda den Promer Minister Evelyn Wever Croes.
SOLO DI PUEBLO ta spera cu e por acudi bek na e medio di prensa y corigi su error (of mentira).
