Desde cu diadomingo a anuncia cu e excampeon mundial di boxeo Floyd Mayweather lo bolbe ring pa enfrenta e famoso “youtuber” Logan Paul, Internet a yena di comentario riba e insolito evento deportivo.
“Con Logan Paul a mete den e pelea multimiyonarionan aki? Hasta si e perde, e ta gana, pasobra e ta ganando placa y ya e ta rico,” un usuario riba Twitter ta afirma.
“Tin hopi luchado cu a traha duro eynan henter nan bida y no tin e tipo di oportunidad aki (…) nos ta sigui entrtene e payaso aki, ta lamenta.
Tur cos ta pa placa
Di su parti, otro internauta ta bisa di no compronde pakico tin cientos di boxeador cu a train henter nan bida y cu a supera tur tipo di obstaculo a lo largo di nan carera, “e youtuber, lo a cay den un pelea di gran exito.
“Esaki ta un joke pa deporte,” nan ta comenta. Den e mesun liña, otro usuarionan a expresa nan nan descontento cu e combate entre Mayweather y Paul.
“(Ta) desperdiciando e deporte di boxeo,” un di tres ta lamenta. “Esaki no ta un wega y ta cuminsa na converti den @WWE,” e ta añadi.
Tambe tin cu a recuri na meme pa expresa cu e excampeon di mundo solamente ta participa den e espectaculo pa por lucra.
“Tur cos ta pa placa. E tabata tin un gran carera y awo ta logrando haci mas cu mayoria di e luchadonan den henter su carera den un paar di exhibicion,” un internauta ta comenta.
Otro usuarionan ta haci joke riba e desbentaha cla cu cual ta parti di Logan den e combate. Tin esnan cu ta sigura cu Mayweather lo KO den e prome buelta, mientras cu otronan a duna di sa cu e exboxeador lo caba cu e bida di “youtuber” den poco minuut.
Comentario riba rednan social
E combate lo tuma luga dia 20 di februari proximo y lo wordo retransmiti riba internet atrabes di un modalidad di subscripcion Pay-Per-View.
Te na e fecha no a precisa unda lo celebra e evento. Mayweather y Paul lo oficialisa su enfrentamento tras di e rumornan surgi na september y protagonisa comentarionan riba rednan social simannan atras.
E celebridad di Internet a bisa e ora cu lo “bati” e antiguo dominado di peso welter, cu a respond’e afirmandi cu “lo ta miho cu e muchanan di YouTube topa cu popchinan Barbie pa hunga.”
Mayweather, di 43 aña, tin un record di 50-0 y a logra su ultimo victoria como profesional na 2017, ora cu el a derota e luchado di UFC Conor McGregor.
Mientras tanto e unico combate di boxeo profesional di Paul, di 25 aña, a tuma luga na november di aña pasa, ora cu el a perde pa decision di huesnan contra e “influencer” y rapero Britanico KSI.
