A tarda hopi……
Mester busca alivio pa pueblo
Dicon a tarda asina hopi? Gobierno no por a calcula e impacto enorme cu tin riba prijs di fruta y berdura? Ta for di masha tempo pasa Gobierno mester a busca forma pa habri frontera pa cuminda, pa fruta y berdura for di Venezuela.
Nos por bati riba nos pecho cu nos no mester di Venezuela, pero nos cartera ta keda gedeuk cu prijsnan enorme halto.
Nos no ta pidi pa habri frontera pa ilegal, ni pa otro obhetivo. E unico obhetivo mester ta cuminda mas barata pa pueblo.
Un gobernante cu poco sentido comun, no por pensa otro!
Ta spera cu por agilisa e apertura di frontera pa barco di fruta y berdura y asina mitiga e aumento barbaro di alimentacion.
