Den fin di siman e atletanan di Taekwondo Team Aruba a participa na nan prome evento di 2026, Florida Cup na Miami.
Master Yoshmar Wever trainer y coach di Taekwondo Team Aruba ta preparando e atletanan pa nan ta cla pa cualkier evento. Florida Cup tabata e prome evento pa 2026 y a bay cu 3 atleta, mientras e otro atletanan ta preparando pa un Camp Training.
Florida Cup tabata un evento cu atletanan di diferente scolnan di Taekwondo na Merca y algun Pais Internacional
.Un evento cu ta crece cada aña y atletanan di nivel ta usa e evento aki pa nan preparacion pa Open USA. Rachid Erasmus a logra medaya di Oro den categoria Cadet. Aidan Klaber a logra medaya di Oro den categoria Cadet B y Medaya di Brons den categoria Cadet A. Quinten Klaber a logra dos medaya di Plata den categoria Cadet A y B.
Taekwondo Team Aruba ta felicita e ganadonan di Florida Cup 2026.
