Den fin di siman algun atleta di Taekwondo Team Aruba a reparti flyers y mangel na e automobilistanan.
Esaki ta e di dos aña cu Taekwondo Team Aruba ta traha un flyer di gradicimento pa e Pueblo di Aruba pa nan contribucion durante aña. Un bunita flyer cu algun resultado di e team durante aña 2024, representando Aruba Internacionalmente. Esaki ta un manera di duna bek y bisa danki.
Taekwondo Team Aruba bou guia di coach Master Clifford Rasmijn y Master Yoshmar Wever a logra trece varios resultado Internacional pa Aruba durante aña 2024. Prospero Aña 2025 y Masha Danki Pueblo di Aruba pa tur sosten brinda na Taekwondo Team Aruba.
