ORANJESTAD, ARUBA – Tamarijn Aruba All Inclusive ta orguyoso di por anuncia cu nan a habri bek entrante diasabra 28 di November, 2020.
Mey mey di un inversion di US$5 miyon, tur su cambernan awor ta completamente renoba, cu ocean front.
Prome cu a habri, director regional Alex Nieuwmeyer y general managers Marin Bijk y Ferry Zievinger a mustra Danguillaume P. Oduber, minister di Turismo, Salud Publico y Deporte, con e propiedad a keda remodela y renoba.
E resort tabata cera desde Maart y gerencia a haya esaki un oportunidad excelente pa construccion. Tur camber a wordo cambia, nada a resta di e estilo di construccion di añanan 70, solamente e tremendo bistanan pa lama y naturalesa a keda. Despues e team di diseñadornan a bini cu un layout contemporario pa e cambernan.
Tamarijn All inclusive a wordo construi den añanan ’70, un edificio consistiendo di cambernan banda di lama cu bista na e awa di cual ta algo cu bishitantenan a disfruta desde e tempo ey. Tabata tin trapi di palo cu ta yega te na e pisonan di ariba sin ningun terasa. Despues den añanan ’80, terasanan di palo a wordo agrega y e resort a expande, agregando mas camber cu bista pa lama.
E cambernan a practicamente keda mescos durante ultimo añanan, pero e pool deck, e restaurantnan y experiencia general di e bishitantenan, a wordo continuamente renoba. Despues di e pandemia, cual a trece un oportunidad pa cambio.
Nieuwmeyer ta reporta cu el a cumpra muebles y materialnan na 2019, pensando cu lo tin un renobacion gradual na caminda, pero cosnan a accelera den Maart, y riba Black Friday, minister por a disfruta e privilegio di inspecta e cambernan moderno aki, camanan king of queen size comfortabel, cotton linen luhoso di India, areanan pa ricibi bishita den algun camber y sofa beds den otronan, tan wood paneling cu indirect color-changing luz LED, ceramica grandi di piso, smart TVs grandi cu Netflix settings, instalacion di coriente facil pa yega na dje, walk-in showers parti cu glas, shower-heads pa awasero, machine di koffie y manera un señal di nos temponan dispensador di hand sanitizer rond di e camber. E trapi di palo a transforma den un trapi elegante cu stainless-steel banisters y glas.
Den e diseño di 2020, e cambernan a perde e espacio di terasa y terasnan nobo a wordo construi, extendiendo na lama, mas cerca di awanan blauw, e biaha aki construi cu particion di glas pa terasa, reflehando bistanan sin restriccion na e cambernan, cual awor ta 7m2 mas grandi. Y mas grandi, mas miho, mas espacio pa lounge y relaha, pasobra esnan riba vacacion lo pasa mas tempo den nan camber awor.
Segun Nieuwmeyer, Tamarijn semper tabata un top-seller, disfrutando di 90% di ocupacion henter aña.
El a mira e cifranan algun dia pasa y ripara cu rebaho durante su 26 aña den gerencia a solamente sosode durante eventonan di 9/11 na New York, durante crisis economico mundial di 2008 y awor na 2020 danki na un virus nobo.
Nieuwmeyer tin 26 aña riba nos isla y bao di su directiva, Divi Resorts a transforma cu hopi exito den un makinaria di vacacion, haciendo hende contento, dunando mas cu 1,000 local empleo.
Gobierno di Aruba a reconoce e pasion di Nieuwmeyer, su dedicacion y amor pa Aruba, specialmente su industria di turismo, ora cu minister a presenta Nieuwmeyer cu un plaka conmemorativo y un danki di curason. E inscripcion ‘What we have once enjoyed we can never lose, all that we love deeply becomes a part of us,” ta subraya den un forma bunita Nieuwmeyer su relacion cu e isla, e ta parti di su ser.
E mandatarionan a wordo sirbi un bebida refrescante despues di e tour, na e Bunker bar, un bunker historico di WWII Allied Forces awor cargando un bar hopi popular riba su schoudernan.
