Den fin di siman cu a pasa tabata tin un serie interesante den baseball di grandes ligas unda cu prome lugar y di dos lugar den division east a topa otro, na prome lugar tabata ekipo di Boston Red Sox y na di dos lugar te na e momento ey tabata Tampa Bay Rays.

Boston Red Sox tabata tin exito cu mayoria ekipo e aña aki, pero su dolor di cabez principalmente e aña aki tabata Tampa Bay Rays y esaki na di dos ocasion cu Tampa Bay Rays por tuma e prome puesto for di Boston Red Sox.

Cual tabata e caso tambe, ora cu prome wega di serie entre ambos ekipo Tampa Bay Rays ta gana Boston Red Sox cu score di 7-3 y ta tuma ½ wega di ventaha contra Boston Red Sox na prome lugar.

Diasabra tambe ekipo di Tampa Bay Rays a sa di gana Boston Red Sox cu score di 9-5 y ta amplia e ventaha na prome lugar cu 1 ½ riba Boston Red Sox.

Diadomingo anochi tabata e wega di siman caminda Tampa Bay Rays a bay pa e “sweep” contra Boston Red Sox.

Tampa Bay Rays a presenta cu nan pitcher habridor cu tabata Shane McClanahan mientras cu Boston Red Sox a presenta cu Nick Pivetta como nan pitcher habridor.

Den un wega hopi cera, ambos pitcher a preta braza duro, pero na final di wega ekipo di Tampa Bay Rays ta bari Boston Red Sox 3 wega sigui ganando cu score di 3-2.

Tampa Bay Rays a score 3 careda, a bati 7 hit y no a comete error, pitcher ganador tabata pitcher habridor Shane McClanahan y e wega a wordo salba pa Matt Wisler, mihor bateador pa Tampa Bay Rays a resulta Wander Franco cu a bati 2 hit den 3 turno.

Boston Red Sox a score 2 careda, a bati 8 hit y no a comete error, pitcher perdedor a resulta e pitcher habridor Nick Pivetta, mihor bateadornan pa Boston Red Sox a resulta Kike Hernandez cu a bati 3 hit den 5 turno na bate y Rafael Devers cu a bati 2 hit den 4 turno na bate.

Cu e tres victorianan sigui di Tampa Bay Rays, nan ta saca un leve ventaha di 1 ½ riba Boston Red Sox cu despues di basta dia dominando prome lugar ta perde e puesto aki den division east cu ta birando dia pa dia mas interesante.

Jun 22, 2021; St. Petersburg, Florida, USA; Tampa Bay Rays infielder Wander Franco (5) follows through on a swing during the first inning against the Boston Red Sox at Tropicana Field. Mandatory Credit: Kim Klement-USA TODAY Sports

LEAVE A REPLY

Please enter your comment!
Please enter your name here