Aruba su tarifa di awa, ta hopi mas barata den bracket domestico, compara cu Bonaire y Curacao. Den bracket domestico, Curacao ta 50% y 75% mas caro cu Aruba.
SOLO DI PUEBLO a hasi un analisas independiente di tarifa di awa domestico entre Aruba, Bonaire y Curacao, usando e tarifa di awa nobo di Aruba cu a keda anuncia diabierna atardi.
Apesar di e subida desde 1 di Augustus, Aruba a sali cu e prijs di mas barata di awa pa uso domestico te 6m3.
E tarifanan ta per m3:
Aruba Afl. 6.30,
Bonaire Afl. 6.75,
Curacao Afl. 9.3015
Den comparacion cu Bonaire, Bonaire ta 7% mas caro cu Aruba.
Den comparacion cu Curacao, Curacao ta Curacao casi 50% mas caro, (48%)
Despues di 6/9m3; Bonaire ta mantene mes tarifa.
Aruba afl. 8.25 –
Curacao afl. 14.4518.
Esaki ta haci Curacao 75% mas caro cu Aruba den e bracket domestico aki.
Tin bes ta importante pa nos sa, con nos prijsnan ta den comparacion cu otro. Bonaire ta un clase aparte, pasobra e ta cay bao Hulanda directo. Pero cu Curacao nos por haya un bon bista, con e prijs ta corela.
Den e caso aki, Aruba ainda, apesar di subida, ta hopi mas barata cu Curacao.
Esaki ta importante pa cada persona por forma nan opinion y saca nan conclucion, sigur na momento cu tin gruponan kier hasi wega politico cu e desaroyo mundial.
Nota: E tarifa di Curacao a subi desde awe cu 23 cen. E imagen cu nos ta presenta aki ta sin e subida.
