Diabierna den oranan di merdia varios unidad policial a bay un adres na Tamarijn, unda un tata lo tin problema cu un yiu y su pareha.
Tawata den careda di 12’or cu tres unidad di polis y un unidad di K9 a yega e adres y cu cautela a baha.
Esaki ta debi cu e tata aparentemente lo a menasa e yiu cu machete.
Na yegada e polisnan no por a constata nada di esaki y a cuminsa papia cu e tata. Por a mira duidelijk cu e tata tawata altera, esaki na e manera cu e tawata papia y mustra den un skina di e cura di e cas.
Parti mainta, esta diabierna ya polis a bay dicho adres segun nos a wordo informa.
E problema ta relaciona cu tereno, esta parti.
Polisnan despues di basta rato a bandona e sitio, pero no ta mustra cu e problema a caba y lo por spera mas di esaki.
