E tayer “Informacion pa eleccion di estudio” a cuminsa e siman aki exitosamente na Colegio Arubano. Casi 300 alumno di Havo 5 y VWO 6 a sigui e tayer aki den nan orario di scol. Ex-alumno nan di Colegio Arubano a para dilanti klas y a comparti nan experiencia ora di studia na Hulanda. Esaki ta un iniciativa di e fundacion educativo WeConnect cu asina ta duna sosten na informacion pa eleccion di estudio.
Informacion
Un parti grandi di e alumno nan aki lo ta saliendo pa exterior den un paar di luna; e eleccion pa Hulanda ta uno obvio. Algun di nan sa caba kiko nan ta bay studia y na cua ciudad, otronan ta duda. “Ta dificil pa hasi un eleccion na distancia di un campo di eleccion asina compleho y cu asina hopi diversidad”. Sigur tambe cu tur e estudio nan na Ingles cu tin na Hulanda. Tur hende mester por trece nan preguntanan padilanti. Pesey nos ta contento cu e preguntanan cu ta sali di e scol nan.” Manager Tanja Fraai di WeConnect ta bisa.
Colega nan
WeConnect ta traha abase di e sistema persona na persona pesey e informadornan ta ex-alumno nan cu a bay Hulanda pa studia. E Arubiano Nanine Ponson a kies pa e estudio di Biologia y investigacion di Laboratorio Medico na Universidad di Leiden, sigui pa un doctorado na Universidad liber di Amsterdam. “Mi ta wak un Nanine jong mi dilanti y mi por imagina con dificil e mester tabata pa hasi un eleccion. Mi conseho di mas importante ta pa no para keto, paso tempo sigur no ta para keto.”
Fortalecemento
Amedee Wever a studia Ciencia di Tera na Universidad di Amsterdam. “Mi ta spera nos por a duna vision, inspiracion y tip y truco nan practico cu e studiante por hiba den e proximo etapa, hopi exitante, di nan bida. Nan tin potencial sin limite y cu e mentalidad corecto sigur nan lo florece.” E di tres informador, Arubiano Joseph Loaiza (Ley di Impuesto, Universidad di Leiden) a agrega: “Kere den bo mes y bai pe, e biahe apenas ta cuminsando. Disfruta cada momento”. Tur tres awendia ta profesional nan jong bolbiendo nan isla di nacemento.
Necesidad
Na Colegio Arubano nan ta contento cu e informacion di WeConnect. Decano Richeilla Wijngaarde: “Como decano mi ta hanja importante cu nos alumno nan ta bon informa y prepara pa na proximo estudio den exterior. Nos ta hopi agradeci na WeConnect pa nan tempo, energia y e informacion duna na nos alumno nan”.
Continuacion
Nos kier mas, di e tayer nan, esaki a sali for di e encuesta duna na final entre e alumno nan. Tambe nan lo kier hiba combersacion cu Arubiano nan cu ta studiando na Hulanda. Estudio nan manera Biologia y Investigacion di Laboratorio, Negoshi Internacional y Ley ta popular. “E alumno nan kier mas informacion tocante biba, e balance entre biba y traha, presion di estudio, salud mental, prosupuesto y con pa anda cu e cultura Hulandes.” Tanja Fraai ta splica. Nos di WeConnect a ofrece pa facilita e combersacion nan aki virtual. Tur tayer ta wordo organisa door di Rachel Hughes, e coordinador local di WeConnect aki na Aruba. Na Colegio Nigel Matthew San Nicolas e tayer ta andando pa un tempo caba.
