E Where Culture Lives project a completa exitosamente su fase di encuesta na Aruba, Boneiro, Corsou, Saba, St. Eustatius y St. Maarten. E team di proyecto ta extende su aprecio sincero na e publico cu a participa y en particular na e coordinadornan di isla y e encuestadornan kende nan dedicacion a sigura un compromiso fuerte di comunidad riba tur seis isla.
Titula “Bo Bos, Where Culture Lives,” e encuesta a explora con arte, cultura y herencia ta forma bida diario riba e islanan ABCSSS. El a invita publico pa comparti ideanan riba con nan ta envolvi cu cultura den nan comunidad; unda cultura ta tuma luga, kico ta sostene esaki y ki barera ainda ta existi.
E fase di encuesta a wordo conduci den un periodo di tempo enfoca, for di final di november 2025 te cu prome di januari 2026, siguiendo e focus groups teni na augustus y september aña pasa. A pesar di e periodo ocupa di fin di aña, tur isla a completa nan coleccion di dato na tempo. Participacion a varia entre 40 y 150 respondente pa isla, reflehando tanto tamaño di isla, representacion y efectividad di e alcance local.
Generalmente, participantenan a responde positivamente y a comparti prioridadnan cla. Hopi a señala e necesidad pa mas fondo y oportunidad di entrenamento pa emprendedornan creativo, hunto cu espacionan mas accesibel pa practica, desaroya y exhibi arte y herencia. Otronan a resalta e importancia di mehora educacion cultural den scolnan.
Cu e fase di encuesta awor completa, e team di proyecto a cuminsa interpreta y analisa e resultadonan. Nan lo bin hunto na final di januari y e fase colaborativo di interpretacion aki tin como meta pa bay mas leu cu solamente number, dunando nificacion na e hallazgonan denter di nan contexto cultural, social y especifico pa cada isla. E resultadonan lo alimenta directamente e sesionnan di validacion riba cada isla programa pa cuminsamento di april, unda lo discuti e hallazgonan preliminar cu artista, organisacionnan cultural y di herencia, representantenan di gobierno, partnernan di conocemento y otro stakeholders clave.
Participantenan lo ofrece feedback cual lo yuda forsa e sentido di propiedad di comunidad riba e resultadonan y tambe sostene e desaroyo di recomendacionnan pa maneho cultural y inversionnan futuro riba tur isla.
“Como un lead team y como investigadornan, nos ta comprometi pa sigura cu e hallazgonan ta forma un fundeshi comparti,” Jorien Wuite, lider di proyecto, a bisa. “E exploracion aki ta duna nos algun bon bista (insights) riba e mapa cultural den Caribe Hulandes y nos kier pa e resultadonan sostene accion futuro na un manera significante, mescos cu prioridadnan di maneho especifico pa e islanan pa oficialnan di gobierno y otro stakeholders. P’esey nos ta contento y orguyoso di a ricibi sosten pa e fase adicional aki cu sesionnan di validacion, mas discusion co-creativo y representacion amplio.”
“E ideanan recolecta via e investigacion aki lo yuda nos compronde kico ta haci cultura y herencia di cada isla distincto, mientras tambe permitiendo comparacionnan cuidadoso cu ta honra diferencianan y ilumina patronchinan comparti,” Ludmila Duncan, un di e investigadornan principal, a bisa. “E balans eynan ta esencial si investigacion cultural kier ta tanto confiabel como di impacto.”
E team di Where Culture Lives tambe ta orguyoso pa anuncia e desaroyo di e Where Culture Lives Prize; un competencia di sosten riba cada isla cu lo invita artista y practicantenan cultural pa entrega trabou cu ta celebra bida cultural y expresando creativamente ‘unda cultura ta biba’. E competencia aki ta planea pa ta manera ningun otro; fundamenta den comunidadnan, inspira pa bida diario, y centra riba con cultura ta mustra y sinti riba e islanan. Mas detaye tocante e premio aki lo wordo comparti pa final di januari 2026.
E Where Culture Lives project a wordo encarga pa Ministerio di Educacion, Cultura y Ciencia Hulandes (OCW) na Den Haag y na Boneiro (OCW y OCW-CG), y ta wordo maneha pa e consultoria estableci na St. Maarten, Lemonade B.V.
Pa mas pregunta: Lidernan di proyecto: Jorien Wuite — +1 (721) 520-2335, Elton Villarreal — +599 952-13108
