Santiago 1:20 : Pasobra rabia di hende no ta produci husticia di Dios.
E siervo di Dios Moises, no por a domina su rabia, asina cu e a kibra e dos tabla di 10 mandamento, ora e a baha for di sero di Sinai y hanja e pueblo ta alaba e bishe di oro.esey ta demostra kico rabia iritacion y cansancio por haci cu hende.
Ora nos como mayor ta cansa, y tin cos cu ta irita nos y pone nos rabia, semper ta miho domina nos rabia, calma y despues atende cualkier asunto especialmente ora ta trata di coreccion di nos yiunan.
Rabia ma no haci pica, no laga solo baha riba boso rabia, no duna diabel oportunidad.( Efesionan 4:25-27).
Rabia no ta cos di broma cune, pasobra ora bo ta broma cu bo rabia , bo ta bao di dominio di diabel, pesey ora un hende haci algo bao di su rabia, ora su rabia baha e ta keda cu duele, especialmente ora e haci danjo na su sernan keri, y esey ta e plan di diabel pa door di bo rabia bo curason keda herida.
Hende cu ta rabia y keda rabia pa dianan largo cu nan no ta papia cu hende, ta haci danjo na nan curason y nan salud mental, presion ta subi, sucu ta subi, pero e danjo den e mente ta mas cruel, pasobra despues di tempo e lo bin manifesta su mes.
Ora un hende no por domina su rabia e ta mescos cu un cuidad sin defensa, pasobra tur locual cu e haci ta bobedad, contra su mes, pa despues e mes lamenta.
No ta pasobra bo tin rason of derechi , bo tin cu haci dimas y abusa di hende y bisa bo tabata rabia.
By the way bo sa cuanto hende ta sinta castigo largo den prison pa motibo di rabia y iritacion?
Ma awor boso tambe mester pone tur esaki un banda,rabia , furia, malisia, calumnia,y palabra sushi for di boso boca.( Colosensenan 3: 8).
Asina anto , laga nos busca e cosnan cu ta trece pas y edificacion di otro ( Romanonan 12:19).
Un mandamento nobo Mi ta duna boso,pa boso stima otro,y mescos cu Ami a stima boso,pa boso tambe stima otro,na eski tur hende lo sa cu boso ta mi disipel, si boso tin amor pa otro.
Awendia ta facil pa tende noticia, cu fulano a rabia kibra tur cos den cas. Fulano a rabia y bati casa y yiu mal bati, fulano a rabia y bringa cu polis, pero tuma bon nota cu mayoria biaha ya esun cu a rabia ta sali perhudica.
Laga tur amargura, furia y rabia,griteria y calumnia,wordo kita for di boso hunto cu tur malicia. Y sea carinjoso un cu otro,misericordioso, pordonanndo otromwscos cu Dios den Cristo, tambe a prdona boso.( Efesios 4:31-32).
Stop di rabia y laga furia para, no consumi pasobra esey ta conduci na maldad so.Pasobra haci door nan di maldad lo wordo corta kita afo.Ma esnan cu ta spera riba Senjor lo hereda e tera.( Salmo 37: 8-9).
Un contesta suave ta kita rabia, ma un palabra scerpi ta lanta rabia. ( Proverbionan 15:1).
Evita di rabia, no drenta den combersacion cu hende cu ta gusta ofende hende, evita hende cu ta papia palabra malo, y no tin ni control, tampo respet pa nan boca.
Cuanto martrimonio no a kibra pa motibo di rabia, cuanto hende no a wanta un mal rabia y despes kita nan bida.
Cristo Hesus ta cambia nos rabia den alegria, y trece pas den nos curason.
Sinceramente, Pastor Marcel Balootje
