Keda vigila y haci oracion,pa boso no cay den tentacion, e spiritu ta boluntario , ma e carni ta debil. ( Mateo 26;41)
Tene cuidao pa boso curason no ta carga pa causa di paranda,y buracheria,y e preocupacionnan di bida, y e dia ey bini diripiente riba boso manera un trampa.
Pasobra e lo bin riba tur esnan cu ta biba riba superficie di henter mundo,
Ma sea alerta tur ora bay, haciendo oracion,pa boso por tin forsa pa scapa di tur e cosnan aki, cu ta bay tuma lugar, y pa para dilanti di e Yiu di hende.( Lucas 21:34-36).
Sea sobrio, sea alerta. Boso adversario e diabel ta cana rond manera un leon cu ta grunja,buscando ken e por devora.( 1 Pedro 5:8).
Laga amor ta sin hipocrecia.
Aborece loke ta malo,tene firme na loke ta bon.
Stima otro cu amor fraternal.Duna preferencia na otro den honor.
No flakia den diligencia, ma sea ferviente den espirito sirbiendo Senjor.
Regosiha den speransa, perserando den tribulacion. Dedica na oracion.( Romanonan 12;9-12).
Nos ta bibando den un tempo caminda maldad no ta wordo reprende , pero e ta wordo celebra, caminda cosnan malo ta wordo acepta pa bon, y cosnan bon ta wordo tuma na malo.
E situacion mundial ta tristo, hopi confusion den pueblo, hende ta puntra kico ta kico, acaso maldad ta prevalese riba bondad, acaso inmoralidad y malicia a crece asina tanto, cu hende no ta para keto mas dilanti di boluntad di Dios.
Acaso Dios su palabra ta wordi troci y ninga, y cu asina hende ta wak solamente di nan banda y no tin respet y temor di Dios.( 2 Timoteo 3:1-5).
Nos ta bibando den un tempo , cu tur hende cu ta desea di hiba un bida santo den Cristo Hesus lo wordo persigi.( 1 Timoteo 3:12) Laga nos no lubida cu Juan Bautista su cabes a wordo kita pasobra e a reprende pica.
Nos bida di oracion, no ta un bida barata, pasobra nos no ta luchando contra carni y sanger.
Ora nos ta haci oracion ta nifica, cu nos ta hiba un bida dependiente di Dios, cual nos ta aserca Su trono di gracia, pa asina nos por mira su man man move, y asina su bendicion por alcansa nos bida.
Cuanto hende awendia no ta bibando un bida independiente di Dios, den cual pica y inmoralidad a bira un modelo di bida, hende ta sconde den scuridad, ganjando nan mes( 1 Timoteo 4:1) pa asina nan por defende e bida di pica, y lubida cu Dios lo saca tur cos na lus.
Pero ta bon pa nos tur corda cu oracion no ta funciona ora tin pica scondi ( Salmo 66:18) ( 1Juan 1 :9 ).
Oracion no ta funciona ora orguyo ta domina nos bida ( Santiago 4:2-3).
Oracion no ta funciona ora nos ta rechasa nos Famia ( 1 Pedro 3:7).
Oracion no ta funciona ora ta pusha nos boluntad pa dilanti y pone un banda e boluntad di Dios ( 1 Juan 5:14-15).
Oracion no ta funciona ora nos ta aproba inhusticia ( 1 Corintionan 6:9-10).
Ta un bataya grandi tin y nos ta hibando, pasobra manera e palabra di Dios ta bisa cu ciencia lo aumenta y e amor di hopi lo fria, pero awor a yega e momento di esforsa nos mes y sea balente, no tene miedo tampoco desmaya, pasobra Dios conoce tur esnan cu ta di dj’E.
Si awe bo lesa of tende e palabra di Dios, no haci bo curason duro.
Cristo Hesus ta bini pronto.
Sinceramente, Pastor Marcel Balootje
